Tolopō nisi ‘o malaga ‘i le Malae Va’alele ‘i ‘Aukilani ‘ona ‘o le puao

‘E 18 faigāmalaga fa’avāomālō na fuafua ‘e taunu’u ‘i le malae va’alele ‘i ‘Aukilani sā fa’atuai, fa’atasi ai ma ni malaga se sefulu ‘i totonu lava ‘o Niu Sila na lē taunu’u ‘i le taeao nei pei ‘ona tā’ua ‘e le pūlega ‘o le malae va’alele ‘i ‘Aukilani.  ‘O lo’o a’afia malae va’alele ‘i ‘Aukilani ‘i le puao. 

Ui ‘i lea na tā’ua ‘e le pūlega ‘o faigāmalaga na a’afia ‘e lēai se feso’ota’iga ‘i tūlaga ‘o le tau.  ‘O suiga ia na faia ‘a’o le’i va’aia le mauālalo ‘o le puao ‘i le pē tusa ‘o le ‘afa ‘o le lima ‘i le taeao analeilā.  ‘O lo’o fautuaina le mamalu ‘o le atunu’u ‘o femālagaa’i mō ‘Aukilani ‘ina ‘ia siaki kamupanī na totogi ai a lātou faigāmalaga mō ni fa’amatalaga lata mai.  Sā a’afia fo’i le malae va’alele ‘i le mauālalo ‘o le puao ‘i le Aso Lua ma le Aso Lulu. 

ATA: RNZ.