Tolopō malaga ‘a le ‘Ea Niu Sila ma le Qantas mō Bali ‘ona ‘o le lefulefu mai le maugā mū

‘Na tolopō faigāmalaga ‘a le ‘Ea Niu Sila ma le Qantas ‘e pei fo’i ‘o isi kamupanī va’alele, sā fa’amoemoe mō Bali ‘ona ‘o le efuefu po’o le asu mai le mauga mū ‘i Bali, ‘ua lilofia ai ‘auala ‘e uia ‘e va’alele.  ‘O le aso 3 Nōvema na pā ai le mauga ‘o le Laki-laki ‘i Lewotobi, na māliliu ai tagata ‘e o’o atu ‘i le to’asefulu. 

‘O le vaeluaga ‘o le po na pā ai le mauga, na felelei a’e ai ni ma’a ola ma sa a’afia ai nisi ‘o nu’u pe tusa ma le 4 kilomita le mamao ‘ese mai, ma sa mū ai ma fale.  ‘E to’atele tagata na lē toe maua ai ni mea ‘e nonofo ai.  Na fa’aalia ‘e le ‘Ea Niu Sila ‘o le tūlaga ‘o le efuefu ma le asu ‘ona ‘o le mauga mū, ‘i le ‘auala mai ‘Aukilani āga’i atu ‘i Denpasar ‘i Bali, na māfua ai ‘ona tolopō malaga ‘a le NZ62 ma le NZ63 ‘i le Aso Lulu.

Link to RNZ (Article) translated by Savelina Kasiano: https://www.rnz.co.nz/news/national/533736/air-nz-and-qantas-cancel-flights-to-bali-over-volcanic-ash-after-eruption

ATA:  Residents watch the eruption of Mount Lewotobi’s Laki Laki from Eputobi village in East Nusa Tenggara, 8 November, 2024. Photo: BAYU ISMOYO and ARNOLD WELIANTO / AFP