Toe tau’a’ao atu ‘i le Foodstuffs tōega ‘o se New World ‘i ‘Aukilani

‘E telē ma ogaoga ni a’afiaga na o’o ‘i le supamāketi ‘a le New World ‘i Victoria Park ‘i ‘Aukilani ‘ona ‘o se mū ‘i le aoauli ‘o le Aso Lulu.  E silia ma le 10 ītūlā na tau tapē ai le afi.  ‘E le’i mafai ‘ona fa’ailoaina ‘e le ‘au’aunaga tinei mū ma fa’alavelave fa’afuase’i le māfua’aga ‘o le afi. 

Na tā’ua ‘e Nick Hanson le fa’aulūuluga ‘o le Foodstuffs ‘i le Motu ‘i Mātū, ‘o ia le isi tagata na muamua ‘i totonu ‘ina ‘ua māe’a, mā na matuā ogaoga a’afiaga ‘o le fale ‘ona ‘o le mū, fa’apea ma le asu ma le vai.  ‘O  le fā’alo le vāega na pito sili ‘ona a’afia, ma malepe ‘i lalo nisi itū ‘o le fā’alo.  ‘E ‘umi se taimi ‘e iloilo ai a’afiaga ma le toe fa’aleleia ‘o vāega na a’afia mai le mū, ma ‘e le’o manino fo’i se taimi ‘e mafai ‘ona toe tatala ai.

‘O lo’o gālulue ‘i ni ‘auala ‘e fesoasoani ai ‘i la lātou ‘aufaigāluega ‘e to’a 180 ‘i aso ia ‘o lumana’i nei, ‘ae mō le taimi nei, ‘o le ‘ā fa’aauau pea ‘ona totogi ‘i lātou.  ‘E 23 ta’avale fuimū ma le ‘autinei mū ‘e to’a 80 na gālulue ‘e tau tapē le afi. 

Link to RNZ (Article) translated: https://www.rnz.co.nz/news/national/564528/auckland-new-world-ruins-handed-back-to-foodstuffs

ATA: Lucy Xia (RNZ).