37 tausaga ‘o le ali’i ‘ua mōlia ‘i le maliu ‘o se tamaitiiti ‘i ‘Aukilani ‘i saute

‘E 37 tausaga le matua ‘o se ali’i ‘ua mōlia ‘e leoleo ‘i le fasioti tagata, ‘ona ‘o le maliu ‘o se tamaitiiti ‘i ‘Aukilani ‘i Saute ‘i le pō ‘o le Aso Sā.  Na fa’ailoa mai ‘e leoleo, na tāofia lenei ali’i ‘ina ‘ua maua ‘i totonu ‘o lana ta’avale le tamaitiiti ‘ua ‘uma lona ola, ‘i le vaveao ‘o le Aso Gafua.

‘O le aoauli ‘o le Aso Gafua ananafi, na tūla’i ai ‘o ia ‘i le Fa’amasinoga fa’aitūmālō ‘i Manukau.  ‘O lo’o tāofia ‘i le taimi nei le fa’alaua’iteleina ‘o le igoa ‘o lea tagata mā ‘o lo’o tāofia nei ‘o ia ‘i lalo ‘o le va’aiga ‘a leoleo ‘ae le’i fa’amauina pe tete’e pe ‘ioe ‘o ia ‘i ona mōliaga.

‘O fa’amaumauga ‘a leoleo ma le fa’amasinoga, ‘ua iloa ai ‘o le fa’alavelave na a’afia ai le tamaitiiti ‘ua maliu, na tupu ‘i le Aso Sā ‘i le pitonu’u ‘o East Tamaki.

Link to Associated Press (Article) translated by Lauano Ilaoa: https://www.1news.co.nz/2025/01/06/man-in-court-on-murder-charge-after-childs-death-in-auckland/

Ata:(File photo) :RNZ / Nate McKinnon