Toe talosaga le Te Whatu Ora ‘i le ‘aufaigāluega ‘e talosaga atu mo avanoa vāea

‘O lo’o talosagaina ‘e le Te Whatu Ora le ‘aufaigāluega ‘a le soifua mālōlōina ‘o lo’o gālulue ‘i le pūlega, ‘au faufautua ma le tele ‘o ‘au’aunaga ‘i falema’i, ‘ina ‘ia talosaga atu mō avanoa vāea.

‘O le ‘aufaigāluega ‘o lo’o gālulue ‘i isi vāega ‘e mafai fo’i ona resitala atu,  – ina ne’i agava’a ‘i lātou mo le toe fa’afaigāluegaina i le lumana’i, pei ona fa’aalia ‘i se ‘īmeli ‘a le pule sili ‘o le Health NZ Margie Apa, na liki mai ‘i tua ananafi. Na fa’amālōlō ‘e le Minisitā ‘o le Soifua Mālōlōina Dr Shane Reti le komiti fa’afoe ‘a le Soifua Mālōlōina ‘a Niu Sila ‘i le māsina na te’a nei, ‘ona ‘o le fa’alētonu ‘i le fa’afoega ma le fuafuaina lelei ‘o tupe, na māfua ai ona o’o ‘i le $130 miliona tālā na ‘ova ai tupe fa’aalu ‘i le māsina. Na suia ‘e Reti le komiti fa’afoe ‘a le matāgāluega iā  Polōfesa Lester Levy.

Link to RNZ (Article) translated by Anna Fa’asolo: https://www.rnz.co.nz/news/national/526389/more-cuts-to-come-health-nz-asking-for-more-voluntary-redundancies

ATA: RNZ.