Toe fo’i David Tua ‘i Sāmoa

‘Ua fa’aalia ‘e To’aletai David Tua, ‘ua iai le fuafuaga ‘e sifi ai ‘e nonofo ‘i Sāmoa ma lona ‘āiga ‘i le māsina fou.  Na malaga mai To’aletai ma lona ‘āiga mai Sāmoa ma fa’amautū ‘i ‘Aukilani fa’ato’ā 10 ona tausaga, ‘ae na ia fa’aalia ‘i luga ‘o le Leitiō Niu Sila, ‘ua o’o ‘i le taimi ‘e toe fo’i ai.  Sa ia fai atu ‘i lona to’alua po’o le tolu māsina talu ai ‘a’o ‘i Sāmoa mō se faigāmālōlōga, pe mana’o ‘e sifi ‘i Sāmoa ‘e nonofo ai, ma sā talia fiafia ‘e lona ‘āiga. 

‘O ‘i lā’ua sa tausia o lā mātua, ‘ae ‘ua o’o ‘i le taimi ‘e fai ai se mea mō ‘i lā’ua lava, ma ‘e iai lava lona talitonuga, ‘o Sāmoa lava lo lā vala’auga.  ‘O le soifuaga faigōfie, ‘o ana tolēniga ‘i le taeao, ‘o le ipu kofe ma le moe, ‘e pei ‘o mea ia ‘o lo’o māfaufau ‘i ai ‘e fai ‘i Sāmoa.  ‘Ātonu pe fai se lafu pua’a ma ni moa, pe fai fo’i se ma’umaga.  ‘O le Aso To’ona’i ‘o le ‘ā āmana’ia ai le sao ‘o To’aletai ‘i le ta’aloga faipelē, ‘i le Hall of Fame ‘a le Fa’alāpotopotoga ‘o Faipelēga ‘a ‘Aukilani ‘o le fa’aeaeaga mo ē na telē lo lātou sao ‘i le ta’aloga faipelē. 

Link to RNZ (Article) translated by Savelina Kasiano: https://www.rnz.co.nz/news/sport/530952/david-tua-returning-home-to-samoa

ATA: RNZ David Tua Photo: Photosport