Toe fa’amālōlō fo’i isi tagata faigāluega ‘a le Lōtoifale

‘E tusa ma le 17 isi gāluega ‘o le ‘ā fa’amutaina mai le Matāgāluega ‘o Matā’upu ‘o le Lōtoifale (DIA) ‘a’o toe fa’atūlaga le vāega ‘o ta’ita’i sīnia.   ‘Ua fa’ata’ape lālā ‘e fitu ‘ae sui ‘i ai lālā fou ‘e lima, mā ‘e iai le talitonuga, ‘e o’o atu ‘i le $2.6 miliona ‘e fa’asaoina mai ai.  ‘O le ‘ā ta’ita’ia ia lālā ta’itasi ‘e ni sui failautusi.  ‘O ananafi na fa’ailoa atu ai ‘e le matāgāluega lea fa’ai’uga ‘i le ‘aufaigāluega ma ‘e ‘āmata fa’amamalu lea suiga ‘i le aso 3 Fepuari 2025. 

‘O nai māsina ‘ua tuana’i atu, na fa’amaonia ai ‘e le matāgāluega le fa’amālōlō ‘o gāluega ‘e 655, ‘ae ‘ua fa’aalia ‘e le ‘Asosi ‘a Tagata Faigāluega ‘a le Mālō, ‘o le fuafuaga ‘e fa’amuta ai ia gāluega pei ‘ona fa’ailoaina ananafi, ‘o le ‘ā lē toe maua ai nisi ‘o tagata faigāluega pito sili ‘ona agava’a ‘a le matāgāluega, ‘ae ‘ua mamafa ai fo’i ma le gāluega mō isi tagata ‘o lo’o totoe.

 Link to RNZ (article) translated by Savelina Kasiano: https://www.rnz.co.nz/news/national/532349/dia-restructure-finds-more-job-cuts-despite-protests-from-staff-union

Ata: RNZ / Alexander Robertson