Toe fa’afou isi aiaiga fou a ‘Ausetālia ‘i Mātū ‘e fa’atōsina atu ai leoleo mai Niu Sila

‘Ua toe si’itia ma fa’aopoopo isi vāega ‘o aiaiga a ‘Ausetālia ‘i mātū, ‘e fa’atōsina ai leoleo Niu Sila, ina ‘ia faigāluega ‘i Ausetālia. ‘O lo’o iai se kulupu ‘o lo’o faimalaga mai ‘i  ‘Aukilani, Rotorua, Napier, Uēligitone ma Kalaisetete. Fa’ailoa ‘e le sātini Bouma, ‘e mafai ona o’o atu ‘i le $130,000 le totogi ‘i le tausaga.

Na ia fa’ailoa ‘i luga le Morning Report, ‘ua iai tagata ‘e to’a 21 ‘o lo’o manana’o e fa’atalanoa. Ma so’o se tagata ‘e fia fa’aaogāina le avanoa e ‘avea ai ma leoleo’i ‘Ausetālia, ‘e latou te tu’uina atu fale ‘e nofo ai. ‘A mana’o le tagata ‘i le ‘alauni mō le fale, ‘e mafai ona totogi atu le $31,847 ‘i le tausaga, ‘e fa’aopoopo ‘i luga ‘o le totogi e maua ta’i lua vaiaso. ‘O le malaga mai ai ‘o lea kulupu mai ‘Ausetālia, ‘e faia fa’atalanoaga ma tagata na talosaga atu mō avanoa faigāluega, ma sa’ili nisi tagata ‘e fia talosaga. Molimau Bouma, ‘o leoleo Niu Sila, ‘e fa’amāoni i ō lātou tiute ma gāluega.

Na fesiligia ‘e le Komesina ‘o leoleo o Niu Sila Richard Chambers ‘Ausetālia, pē aiseā na lē feso’ota’i muamua mai ai ‘e logo mai ia ‘ae le’i faia ā lātou fuafuaga ‘e malaga mai ai auā le fa’atōsinaina atu o leoleo Niu Sila. ‘E le’i ‘alo le tali ‘a le Komesina o leoleo a Ausetālia, ma fa’apea mai, ‘o Niu Sila ‘e gālulue mālosi ma fa’amāoni leoleo.

Link to RNZ (Article) translated: https://www.rnz.co.nz/news/national/577035/australia-s-northern-territory-police-renew-push-for-new-zealand-officers

ATA: RNZ.