To’atele ‘ua fa’aalia le fa’aaloalo ‘i le maliu ai ‘o le tama’ita’i ‘o Tariana Turia ‘i Whanganui ‘i le fa’ai’uga ‘o le vāiaso

‘E to’atele tagata mai itū ‘ese’ese ‘o Niu Sila ‘ua āga’i atu ‘i le malae ‘o Whangaehu ‘e lē mamao mai le ‘a’ai ‘o Whanganui, ‘e fia ‘āuai ‘i sauniga ‘o le tagisaga ‘aemaise ‘o le fa’aalia ‘o lo lātou fa’aaloalo ‘i le maliu ai ‘o le tama’ita’i ‘o Tariana Turia ‘i le fa’ai’uga ‘o le vaiaso.

‘O lenei tinā ‘e maliu ‘ua 80 tausaga ‘o le soifua.  ‘O se tasi sā iloga lona tūla’i mai ‘o se faipule ‘o le pātī ‘a le Labour, ‘a o le’i fa’amāvae ma se’e atu ai ‘e fa’avaeina le pātī ‘a Māori le Te Pati Māori, ‘e pei ‘ona iai ‘i le taimi nei. 

Sā ‘āuai ‘i le Aso Sā ananafi le tupu tama’ita’i Māori ‘o Te Arikinui Kuini Nga wai hono I te po ma le to’atele ‘o isi ta’ita’i ‘o tagata Māori ‘e aofia ai faipule Māori.  Na fa’ailoa mai ‘e fa’apea ‘o le Aso Lua ā taeao toe sauniga ma le falelauasiga ‘o lenei tinā ‘iā Dame Tariana Turia, ‘o se tasi sā iloga lona sao ‘i le ātīna’e ‘o Māori ‘aemaise ‘o ‘upufai ‘o le mālō Niu Sila.

Link to RNZ (Article) translated by Lauano Ilaoa: https://www.rnz.co.nz/news/te-manu-korihi/538112/she-believed-in-people-tributes-from-across-political-parties-for-dame-tariana-turia

Tariana Turia (right) signs Whanganui River Treaty settlement in 2014 as Treaty Negotiations Minister Chris Finlayson looks on (far right). ATA:  RNZ /Richard Tindiller