To’atele tagata ‘e lagolagoina le fa’aopoopo ‘o le tausaga mō nofoa’iga ‘a faigāmālō lāiti

‘E to’atele tagata lautele na lātou lagolagoina le manatu ‘e fa’apea ‘e tatau ‘ona si’itia atu ‘i le 4 tausaga le nofoa’iga ‘a faipule ‘i totonu ‘o faigāmālō lāiti ‘i tua ‘i nu’u, fa’aopoopo le isi tausaga ‘e tasi ‘i tausaga ‘e tolu ‘o lo’o iai nei.

’O ia fa’amaumauga na maua mai ‘i se pālota na faia ‘e sa’ili ai po’o fea ‘e mafuli ‘iai finagalo ‘o le to’atele, pei ’ona fa’alauiloaina ‘e le leitiō Niu Sila ‘i le taeao nei.’O le 47 pasene ‘o tagata na pālota lātou te lagolagoina le 4 tausaga ‘o nofoa’iga, 18 pasene ‘o le ‘ā lagolagoina pe ‘a fai ‘o le faigāmālō tūtotonu. ‘E 22 pasene na tete’e ‘i lea manatu, ‘ae 13 pasene ‘e le ‘o mautinoa. Fa’aalia ‘e Sam Broughton ‘o le peresetene ‘o faigāmālō lāiti, ‘o lo’o manino le vāega ‘o lo’o mafuli iai finagalo fa’aalia, ma ‘e sefe mai ai fo’i tupe fa’aalu mai le vave faiga ‘o pālota ‘i le ta’i tolu tausaga.

Link to RNZ (Article) translated by Anna Fa’asolo: https://www.rnz.co.nz/news/political/525917/strong-public-support-for-four-year-local-government-term-poll-reveals

ATA: RNZ / Isra’a Emhail