To’atele tagata ‘e fa’aaogāina ta’avale ‘e lē mo’omia se ‘ave ta’avale ‘i Niu Sila

‘Ua fa’atuputupula’ia le aofa’iga o tagata ‘ave ta’vale ‘i Niu Sila ‘ua lē toe pa’i ō lātou lima ‘i foeuli, ma lē toe tū fo’i vae ‘i le tāofi po’o le vae penisini ‘i le taimi ‘atoa ‘o se faigā malaga ‘i ā lātpu ta’avale.

‘O lo’o fa’atagaina fa’atūlāfono ‘i Niu Sila ta’avale ‘e lē mo’omia se tagata soifua ‘e ‘aveina po’o full self driving cars, peita’i, ‘e tatau lava ona mata’itūina ‘e se ‘ave ta’avale. ‘O le ‘ave ta’avale le ‘ave ta’avale ‘e tatau ona nafa ma le fa’amautinoaina ‘o lo’o usita’ia ‘e le ta’avale tūlāfono ‘uma o le ‘auala.

‘I atunu’u i fafo, ‘ua iai fa’alavelave mata’utia na a’afia ai nei itū’āiga ta’avale ma i’u ai ina māliliu isi tagata. ‘Ua līpotia fo’i ‘i Niu Sila nisi ‘o gaioiga uiga ‘ese na faia ‘e nei ta’avale a’o feoa’i ‘i luga le alatele. Peita’i, ‘e talitonu Mike Jones, ‘o lē ‘e ana le isi itū’āiga Tesla ‘o le Y L,’e matuā saogālēmū lava lenei tekonolosi. ‘Ou te matuā talitonu lava ‘e saogālēmū ia itū’āiga ta’avale, ‘ua lava ma totoe ilomita ‘ua ou malaga ai ‘i lea ta’avale fa’apea fo’i la’u Y Juniper sa ‘iai muamua. Sā ‘ou malaga mai ‘i Bucklands Beach afa’i atu ‘i Huntly ‘e aunoa ma se fa’alētonu, ma ‘e na’o le tolu minute na mālōlō ai, ma na toe sau sa’o lava paka ‘i lo’u fale”, pei ona saunoa Jones ‘i luga o le RNZ.

Na tā’ua ‘e Jaggy Bhupal ‘o se tasi ‘e anaina se Tesla ‘i Kalaiesetete, ‘e matuā lelei ma telē lona poto masani ‘i le fa’aaogāina ‘o lenei tekonolosi peita’i, ‘e ‘iai lava le taimi ‘e faia ai ‘e le ta’avale se mea sesē, ma ono lamatia ai se soifua.

‘E ‘ese’ese lava finagalo fa’aalia ‘a tagata ua ‘iai ā lātou ta’avale fa’apea, pei ona līpotia. 

Link to RNZ (Article): https://www.rnz.co.nz/news/science-and-technology/1447009/more-kiwis-taking-hands-off-approach-with-self-driving-technology

IMAGE/ATA: RNZ