To’atele isi tagata faigāluega ‘ua ofoina ‘i ai avanoa mō ni ītūlā ‘e fesuisuia’i

‘O lo’o ofoina atu ‘i tagata faigāluega ‘i Niu Sila, le avanoa ‘e maua ai ītūlā ‘e lē tā mau ‘i tūlaga māsani, ‘ae ‘e mafai ‘ona fesuisuia’i ‘e pei ‘o taimi ‘āmata ma taimi mānava, ‘e fa’apāleni ai tu’utu’uga ‘e toe fo’i ai ‘e gālulue ‘i totonu ‘o ‘ōfisa. 

‘O se rīpoti ‘a le kamupanī ‘o le Robert Half, ‘ua fa’ailoa ai, ‘e na’o le 39 pasene ‘o tagata faigāluega ia ‘e iai lava ni avanoa ‘e gālulue atu ai ‘i le fale ma ‘ōfisa, mā ‘o lo’o aofia ai le to’atele ‘e tatau ‘ona toe fo’i tūmau ‘i ‘ōfisa. 

Peita’i, na fa’ailoa ‘e le 99 pasene ‘o tagata faigāluega, ‘e lē tutusa taimi ‘āmata ma taimi māe’a na ofoina atu ‘e a lātou fale faigāluega, ‘ae tasi le pasene na o lātou fa’ailoa, ‘e lēai ni o lātou ītūlā faigāluega fa’apea.  ‘E ui ‘ua toe fo’i le to’atele ‘o tagata Niu Sila ‘e gālulue tūmau ‘i ‘ōfisa peita’i, ‘o lo’o tūmau pea le tūlaga mo’omia mō ni ītūlā ‘e fesuisuia’i pei ‘ona fa’aalia ‘e Ronil Singh ‘o le kamupanī ‘a le Robert Half.

‘E na’o le 59 pasene ‘o tagata faigāuega na o lātou fa’ailoa, ‘ua si’itia ītūlā ‘e fesuia’i mai ītūlā faigāluega māsani, fa’atusatusa ‘i le tausaga talu ai, ‘ae tasi ‘o vaetolu po’o le 30 pasene na o lātou fa’ailoa, ‘e le’i iai se suiga ‘i le fesuisuia’i ‘o ītūlā ma le 10 pasene na o lātou tā’ua, ‘ua fa’aitīitia ia avanoa.

Link to RNZ (Article) translated by Savelina Kasiano: https://www.rnz.co.nz/news/business/541378/more-workers-being-offered-flexible-hours-data-shows

ATA: RNZ / Nick Monro.