To’atasi ‘ua maliu, 14 mānunu’a ‘ina ‘ua lavea se pasi ‘a tūrisi ‘e lata ‘i Tīrau

‘E to’atasi le tagata na maliu ma le to’a 14 na mānunu’a ‘ina ‘ua lāvevea se tama’i pasi ‘e tumu ‘i tagata tāfafao mai fafo, ma ni ta’avale se lua ‘i luga ‘o le State Highway 1 ‘i mātū ‘o Tīrau ‘i le aoauli ananafi.  Na tā’ua ‘e le Hato Hone St John, ‘e 13 ta’avale na ‘auina atu ‘e tali ‘i le fa’alavelave ma ‘ave le to’a 13 ‘i falema’i ‘i Waikato, Rotorua, Tauranga ma ‘Aukilani.  ‘E to’alua ‘e tīgāina ma le to’afā ‘e fai fo’i si tūgā tele ‘o manu’aga.  ‘O lo’o fa’agāsolo su’esu’ega ‘i lea fa’alavelave.

Link to RNZ (Article) translated by Savelina Kasiano: https://www.rnz.co.nz/news/national/534972/one-dead-14-injured-after-tourist-bus-crash-closes-state-highway-1-near-tirau

ATA: The highway is closed for more than 10 kilometres, between Tīrau and Piarere roundabout. Photo: Auckland Rescue Helicopter Trust