To’atasi na maliu ‘ina ‘ua lāvevea ni ta’avale se lua ‘i le ‘auala ‘o le Lewis Pass ‘i le Aso Sā

‘E to’atasi le tagata ‘ua maliu ‘ae mānunu’a isi ‘e to’alua, ‘i le fa’alavelave lea na lāvevea ai ni ta’avale se lua ‘i le ‘auala ‘o le Lewis Pass ‘i le itūmālō ‘o Buller ‘i le Aso Sā na te’a nei.

‘Ua fa’amaonia mai ‘e leoleo ‘i lea vāega ‘o le atunu’u, ‘e fa’apea ‘o le tagata ‘ua maliu, na manu’a tīgāina ai ‘i lenei fa’alavelave.  Sā ‘auina atu ‘o ia ‘i le falemai, ‘ae mulimuli ane ‘uma ai lona ola.  ‘O isi tagata ‘e to’alua na mānunu’a ‘o lo’o saogalēmū ‘uma.  ‘E lata ‘i le 12 itūlā na tāpunia ai le ‘auala ‘a’o faia gāluega ‘a leoleo ma ‘au’aunaga lāvea’i ma ‘ua fa’agāsolo ‘i le taimi nei se su’esu’ega ‘e tusa ‘o le māfua’aga ‘o lea fa’alavelave.

Link to RNZ (Article) translated by Lauano Ilaoa: https://www.rnz.co.nz/news/national/530675/person-dies-after-lewis-pass-crash

ATA: RNZ