To’alua tagata na maua atu ‘ua māliliu ‘i se fale ‘i Tūrangi

‘Ua ‘āmatalia su’esu’ega ‘a leoleo ‘i se fa’alavelave na maua ai tagata ‘e to’alua ‘ua māliliu ‘i se fale ‘i Tūrangi.

Na tā’ua ‘e le ali’i leoleo Sātini Sīnia Ryan Yardley ‘e fa’apea, na logoina leoleo ‘i le fa’alavelave ‘i Poihaere Street ‘i le 10 ‘i le pō ‘o le Āso Lulu ma maua ai tino māliliu ‘e lua. ‘O lo’o fautuaina tagata lautele mō so’o sē tasi ‘e iai ni fa’amatalaga, ‘ia viliina leoleo ‘i le 105, nūmera ‘o le faila P059649530.

Link to RNZ (Article) translated by Anna Fa’asolo: https://www.rnz.co.nz/news/national/525239/two-people-found-dead-in-turangi-home

ATA: RNZ / Angus Dreaver.