To’a 28 pu’e ‘e leoleo, tāofi fana, meatōtino ma fuālā’au fa’asāina ‘i Bay of Plenty

Na fa’aalia ‘e leoleo, ‘e lua ni gāioiga ‘e fa’ao’o ai le oti ‘i le tagata na mafai ‘ona lātou taofia, ma sā o lātou ‘aveina fo’i ni fuālā’au fa’asāina fa’apea ma ni fana, fa’atasi ai ma ni meatōtino ‘e $800,000 o lātou tau ‘e fa’apea na maua mai ‘i ni faiga fa’asolitūlāfono, ‘i sa lātou su’esu’ega tele ‘i se kegi ‘i Ōpōtiki. 

‘E to’aluasefuluvalu tagata na lokaina ‘i le Aso Lua ‘i ni vāega ‘o le Motu ‘i Mātū, mai la lātou su’esu’ega ‘e ta’ua ‘o le Operation Highwater.  Na fa’aalia ‘e Tim Anderson ‘o le ta’ita’i leoleo fa’aitūmālō ‘o Bay of Plenty, ‘o se aso lelei tele lea mō Ōpōtiki.  ‘O le mafai ‘ona fa’amuta ‘o ia gāioiga, ‘o se fe’au manino lea ‘i tagata ‘o kegi ‘o lo’o fa’atauina atu fuālā’au fa’asāina ‘i Bay of Plenty, ‘e maua lava ‘i lātou ma tu’u atu ‘i ai le tali ‘e tusa ai ma a lātou gāioiga.

Link to RNZ (article) translated by Savelina Kasiano: https://www.rnz.co.nz/news/national/531531/police-prevent-two-murders-seize-property-guns-and-drugs-in-eastern-bay-of-plenty

Ata: RNZ