Tīpoti pe ‘ā ‘uma ‘ona tuli lona fa’asalaga.

‘O le ‘ā toe fa’afo’i fa’amālosi Lauren Dickason ‘i ‘Aferika ‘i Saute, pe ‘ā māgalo mai le falepuipui, ‘o lo’o tuli ai lona fa’asalaga, ‘i lona fa’ao’oina ‘o le oti ‘i lana fānau ‘e to’atolu.  ‘E 43 tausaga ‘o le tinā, ma ‘e 18 tausaga ‘o lo’o fa’asalaina ai pei ‘ona i’u ‘i ai se fa’ai’uga ‘a le fa’amasinoga maualuga ‘i Kalaiesetete.  ‘O lana fānau, ‘o le māsaga teine ‘o Maya ma Karla ‘e ta’i 2 tausaga ma lo lā uso matua ‘o Liane ‘e 6 tausaga, na māliliu ‘i Timaru ‘i le 2021. 

Na fa’ao’o ‘e le tinā le oti ‘i tēneiti, ‘ina ‘ua tuana’i vāiaso ‘e tolu talu ‘ona taunu’u mai ‘Aferika ‘i Saute, ma ‘o lana tala, sa matuā telē lava lona a’afiaga ‘i le gasegase ‘o le māfaufau ma ‘e lē tatau ‘ona tu’ua’ia ‘o ia ‘i se faiga fa’asolitūlāfono ‘i le ‘uma ‘o ola ‘o le fānau.  Na fa’aalia ‘i le Aso Lua ‘e Fadia Mudafar ‘o le Matāgāluega ‘o Pisinisi, Ma’ema’e Fou ma Gāluega, ‘ua fuafua le ‘Ōfisa ‘o Femalāgā’iga ‘a Niu Sila, ‘e fa’aauau ‘ona fa’afo’i fa’amālosi pe tīpoti pe ‘ā māe’a ‘ona tuli lona fa’asalaga.

Link to RNZ (Article) translated by Savelina Kasiano: https://www.rnz.co.nz/news/national/531537/triple-murderer-lauren-dickason-to-be-deported-after-serving-sentence-for-killing-daughters

Ata: Pool / NZ Herald / George Heard – Lauren Dickason was found guilty on three counts of murder in the High Court in Christchurch on 16 August, 2023.