Tīgāina se taule’ale’a ‘i le falema’i ‘i le Hemophagocytic Lymphohistiocytosis

‘O lo’o ‘i le falema’i ‘i ‘Aukilani se taule’ale’a ‘o lo’o ‘i se tūlaga tīgāina, ‘i aso e tolu talu ona ‘amata na maua ‘i āuga ‘o le fulū, ‘e iai le tīgā o le ulu ma le fiva, vaivai le tino.’E 36 tausaga le matua ‘o Neeraj Ramachandran, na malaga ‘i ‘Initia ‘e tausi lona tamā ma’i iā Iūlai, ‘ae ‘ina ‘ua toe taliu mai na ‘āmata ona fa’alogoina pei ‘ua maua ‘i le fulū. Na ‘ave ‘iai ‘e lana fōma’i fuālā’au ‘e togafitia ai siama ‘o le fa’aī, peita’i ‘e le’i maua ai se mapusaga.’O le lua vaiaso mulimuli ane na fa’anatinati atu ai ‘o ia ‘i le falema’i tele ‘i North Shore, ma tu’uina ‘i le potu tīgāina, ‘o lo’o iai lava ‘i le taimi nei. Na fa’aalia ‘e le uso la’ititi ‘o Neeraj, ‘o lona uso ‘o se tagata ‘e mālosi ma ‘e seāseā maua ‘i se gasegase. Sā le’i ‘iai se mafaufau ‘e ono fa’ata’otolia ‘i le falema’i ona ‘o āuga na fa’apea ‘o le fulū masani. ‘I se līpoti ‘a fōma’i ‘o lo’o tā’ua ai,’o lo’o maua lea taule’ale’a ‘i le   fa’ama’i ‘o le Hemophagocytic Lymphohistiocytosis poʻo le HLH, ‘o se maʻi ‘e seāseā maua ai nisi, ma ‘e tele ina fano ai soifua ‘o tagata ‘e fa’amaonia ‘o maua ai, ‘e māfua mai pe ’ā tele cells ‘e gāosi ‘e le tino. 

Link to RNZ (Article) translated by Anna Fa’asolo: https://www.rnz.co.nz/news/national/527754/man-in-disbelief-as-brother-fights-for-life-after-flu-like-symptoms

ATA: RNZ