Tele tupe sasa’a mai tagata asiasi ‘i togālā’au ‘i Hamilitone (Hamilton Gardens) ‘ina ‘ua totogi le ulufale

‘Ua līpotia le to’atele ‘o tagata mai fafo atu ‘o Hamilitone, ‘ua lolofi atu ‘e maimoa ma tāfafao ‘i mata’aga ‘o togālā’au po’o le Hamilton Gardens, ‘e ui ‘ua ‘āmata totogi le $20 ‘e ulufale ai.  ‘Ua māsina talu ‘ona ‘āmata fa’amamalu lea suiga, ‘ae ‘ua fa’amauina le 14,400 pepa ‘ua fa’atauina ‘e mafai ai ‘ona ulufale tagata ta’itasi ‘i le aso, ma sā mafai ‘ona maua ai le $300,000.  ‘E pito maualuga lava se tasi ‘o aso lea na mafai ai ‘ona fa’atauina atu le lata ‘i le 1000 le aofa’iga ‘o pepa. 

‘O se fiafiaga tele lea mō sui ‘o le pūlēgānu’u ‘a Hamilitone na pālota ‘e ‘āmata ‘ona totogi le tupe ma fa’amāmā ‘avega ai ‘i le au fai lāfoga (ratepayers) ‘i le fa’atupega ‘o gāluega tetele ma ātina’e. ‘Āfai ‘ae fa’aauau ai pea lea fuainūmera ‘i le isi 11 māsina ‘o lumana’i, ‘e lata ‘i le $3.5 miliona tupe ‘o le ‘ā ono maua mai ai ‘i le tausaga.  ‘E to’atele tagata asiasi ‘e ‘ioe, ‘e matuā fiafia lava ‘i le fai ‘o so lātou sao ‘e maimoa ai ‘i togālā’au pito matagōfie ‘o Niu Sila.

Link to Waikato Times (article) translated by Savelina Kasiano: https://www.waikatotimes.co.nz/nz-news/360458054/visitors-cash-rolling-hamilton-gardens-after-entry-fee-introduced

Ata: MARK TAYLOR / WAIKATO TIMES – Sue Teale (left) was visiting from Christchurch to see the Gardens with her granddaughter Sarah. She was happy to pay $20.