Tele supamāketi vave tāpuni

E’ lē tasi se supamāketi ‘i ‘Aukilani ‘ua fa’aitīitia ana ītūlā ‘e tatala ai ‘ona ‘o le popōlega lava ‘i lo lātou saogalēmū ‘e tusa ai ma se fa’amatalaga ‘a le iuni ‘a tagata faigāluega ‘i supamāketi.  ‘O le vāiaso talu ai, na fa’asilasila ai ‘e le Woolworths Point Chevalier, ‘o le ‘ā fa’aitīitia ‘i le 12 a lātou ītūlā ‘i le aso ‘e tatala ai mō le atunu’u.  ‘O le ‘ā ‘āmata mai ‘i le 8 ‘i le taeao, ‘e o’o atu ‘i le 8 ‘i le po mō fa’atauga.  Na tā’ua ‘e se so’o’upu, na faia ‘e le kamupanī lea fa’ai’uga ‘ina ‘ua māe’a se fa’atalanoaga ma le iuni ‘a tagata faigāluega ‘ina ‘ia fa’aitīitia ītūlā ‘e tatala ai talu ai āmioga lē migao ‘o lo’o lamatia ai le soifua ‘o tagata lautele.  ‘O le tolu māsina talu ai na faia ai fo’i se fa’ai’uga ‘a le Woolworths Onehunga, ‘e vave tāpuni la lātou fale’oloa ‘ona ‘o ia lava popōlega.  Na līpotia ‘e lea supamāketi, le 50 pasene ‘ua si’itia ai faiga fa’ao’olima ‘e līpotia ‘i totonu ‘o le fale’oloa pe ‘ā fa’atusatusa ‘i le 12 māsina muamua atu.  ‘O totonu ‘o lea lava 12 māsina, sā fa’amauina ai le 925 ‘o gāioiga fa’avevesi mā ‘e 9 pasene na si’itia ai pe ‘ā fua ‘i le tausaga ‘i tua atu.

Link to RNZ (article) translated by Savelina Kasiano: https://www.rnz.co.nz/news/business/531655/supermarkets-closing-early-to-avoid-late-night-anti-social-behaviour

Ata: RNZ / Jessica Hopkins – Last week, Woolworths Point Chevalier announced it would cut down its opening hours to 10 hours a day.