Telē le sao ‘o le Run It mō Champ Betham ma lona ‘aiga

‘E ui ‘i le to’atele ‘o tagata fa’asea ‘i le lē saogalēmū ‘o le ta’aloga ‘o le Run it, lea ‘e tamomo’e ai ‘e fa’afeto’i ulu po’o ai ‘e mālosi, ‘ae ua fa’aalia manino ‘e sē tasi ‘o tamā iā Champ Betham, ‘ua telē le fesoasoani ‘o le tupe na manumālō ai ‘i le isi ta’amilosaga na faia ‘i Aukilani, ‘i lona ‘aiga.

‘O Betham na manumālō ‘i le $20,000 ma na maua fo’i ma lona avanoa ‘e alu ai ‘i Dubai mō le isi ta’amilosaga tele.‘O Betham mai ‘i Kalaiesetete, na ia fa’asoa ‘i le telē ‘o le fa’afītāuli tau tupe, ‘ae ‘o lona ‘auai ai ‘i le Run It, ma manumalo, ua ‘avea ma fesoasoani tele mō ia, ‘e le gata ‘ua ‘a’ai ai lana fānau, ‘ae ua fai ai fo’i ma fa’atauga ‘o le tau mālūlū, mai ‘i le tupe na manumālō ai.

Fa’aalia ‘e Betham, ‘e nate talitonu ‘o le ta’aloga ua tatala ai le avanoa mō taulele’a Pasefika. Ma ‘e ui ‘e faigāluega ‘i lana gāluega mai ‘i le 9 ‘i le tāeao ‘i le 5 ‘i le afiafi, ‘ae le’o ‘e le’o lava ā le fa’asoa ‘i le taugata ‘o le soifuaga ‘ua iai nei. ‘Ua sāuni Betham ‘e ‘auai ‘i le isi ta’amilosaga ‘i Dubai, pei ona lipotia ‘e le One News.

Link to 1News (Article) translated: https://www.1news.co.nz/2025/06/17/runit-putting-clothes-on-kids-and-food-in-fridge-winner-says/

ATA: Photosport / 1News.