Tele le kiona ‘i le Motu ‘i Saute, lolovaia Pahiatua

Na fautuaina ‘e leoleo Canterbury ‘aveta’avale ‘ina ‘ia fa’atuai a lātou faigāmalaga ‘ona ‘o le tūlaga fa’alētonu ‘o le tau. 

‘E iai ‘auala tetele na tāpunia, na mau fo’i ni ta’avale ‘i le kiona ‘i Castle Hill ma le Lake Lyndon pei ‘ona tā’ua ‘e leoleo.  ‘E iai isi vāega ‘o lo’o feagai fo’i ma le tetele ‘o le kiona. Sa iai ni lapata’iga mo ‘auala ‘o le Desert Road, Remutaka ma le tele ‘o ‘auala i le Motu i Saute.  Sā fa’apa’ū le saosaoa fa’atūlagaina ‘o ta’avale ‘i le Harbour Bridge ‘a ‘Aukilani ‘ona ‘o le mālolosi ‘o savili tō fa’ata’uta’u ‘i le aso ananafi.  ‘Na tāfefea ni meatōtino ‘a nisi ‘o ‘āiga ‘i Pahiatua, ‘ona ‘o lōlōga ma tāfega, ‘a’o nisi na matuā tēte’i lava ‘ina ‘ua feala a’e, ‘ua si’omia o lātou fale ‘i le suāvai.  ‘O le mamafa ‘o timuga ‘i le pō ‘o le Aso To’ona’i na lōfia ai ni magāala ‘i le ‘itūmālō ‘o Tararua ‘i le vai, ma fa’aalia ai ‘e le pūlēgānu’u, pe tusa ma le 20 pe i luga atu fo’i le nūmera ‘o fale na a’afia ai.  ‘E o’o mai ‘i le aoauli ‘o le Aso Sā, ‘ua fa’aopoopoina lava le maualuga ‘o le suāvai. 

Link to RNZ (Article) translated by Savelina Kasiano: https://www.rnz.co.nz/news/national/525462/weather-snow-for-the-south-flooding-in-pahiatua

ATA: Brothers Lukas, Felix and Archer make the most of being stuck in show on SH73 near Castle Hill on Sunday, 18 August 2024 / Supplied (RNZ).