Telē le aogā ‘o le Ka Ora Ka Ako ‘i tamaiti ā’oga

‘I pepa ‘o fa’amatalaga na fa’aalia ai, sā logoina le faigāmālō ‘i le telē ‘o le aogā ‘o le polokalame ‘o le Ka Ora Ka Ako ‘i fānau aoga, ‘i māsina na faia ai le fa’ai’uga ‘e fa’aitiitia le pāketi mō le polokalame ‘e maua fua ai ‘e fānau ā’oga taumafa ‘i ā’oga ‘e i nofoaga ‘e to’atele ‘āiga ‘e maualalalo tupe maua. Na maua ‘i fa’amaumauga ‘i se su’esu’ega na faia, ‘ua fa’aleleia fo’i i’uga ‘o su’ega ma alualu ‘i luma le taumafai ‘a tamaiti ā’oga, talu na faia lea polokalame pei ‘ona fa’avaeina ‘e le Leipa. sā tatau ‘ona fa’alauiloa i’uga ‘o su’esu’ega iā Iuni, peita’i ‘o lo’o tāofiofi pea pei ‘ona līpotia ‘e le leitiō Niu Sila.

Na tāʻua ‘i le faʻatalanoaga mai ‘i iloiloga muamua, na maua le fa’aleleia ‘o le soifua mālōlōina ma fa’atupuina le fiafia ’i tamaiti ā’oga, ‘aemaise ‘i tamaiti ‘e mai ‘āiga matitiva. ‘O le polokalame free lunch na fafagaina ma o’o atu ‘i tamaiti ‘e tusa ma le 235,000 po’o le 27 pasene ‘o tamaiti āʻoga ‘uma, 60 pasene ‘o tamaiti ‘o loʻo tauivi ma faigatā ‘i ‘āiga, ma le 67 pasene ‘o tamaiti mai ‘i ‘āiga mātitiva ma le lē tagolima.

Link to RNZ (Article) translated by Anna Fa’asolo: https://www.rnz.co.nz/news/national/527855/government-told-free-school-lunches-have-profound-impact-on-wellbeing-before-funding-cuts

ATA: RNZ