Tele ātugaluga ‘i le si’itia ‘o le fa’aaogaga ‘o biometrics

‘Ua to’atele tagata ‘ua popole, ‘ona ‘o le si’itia ‘o le fa’aaogaga ‘o fa’ailoga tūpito ‘e iloa ma fa’amaonia ai tagata ta’ito’atasi po’o biometrics, ‘e soli ai le vā tapuia ‘o le puipuiga malu ‘o tūlaga patino ‘o le ta’ito’atasi, ‘e pei ‘ona fa’aalia ‘e le Komesina mō le puipuiga ‘o tūlaga patino ‘o tagata ta’ito’atasi. 

‘O lo’o iloilo ‘e le komesina ni finagalo fa’aalia tusitusia ‘e 250 mai le atunu’u ‘e uiga i la lātou ta’iala fa’afautuaga ‘e ao ‘ona fa’atino ai le fa’aaogaga ‘o biometrics po’o fa’ailoga ma vāega ‘e iloa ma fa’amaonia ai se tagata.  ‘O le ‘ā aofia ‘i lea ta’iala le fa’atapula’a ‘o le fa’aaogaga ‘o ia fa’ailoga ‘o le tagata.  ‘E fa’aaogā tele ‘e le ‘Ōfisa ‘o Tiute, Leoleo, Matāgāluega ‘o le Atina’ega ‘o Aga Feso’ota’i ma le Lōtoifale fa’apea ma isi lālā ‘a le mālō, ni siaki ‘e fa’aaogaina ai vāega ‘e iloa gōfie ai tagata ta’ito’atasi ‘e pei ‘o siaki ‘e iloa gōfie ‘i fōliga.  ‘O isi biometrics, e aofia ai tūlāgā lima ma le mata.  Na fa’aleo ‘e tagata na ‘ave o lātou finagalo fa’aalia, o lātou popōlega ‘i nisi ‘o ia su’esu’ega, fa’apea le fa’aaogaga ‘e le mālō ‘o fa’amaoniga ‘e iloa ai tagata ‘ese’ese (biometrics) fa’apea ma kamupani ‘e fa’aaogaina ‘ae tigaina ai tagata lautele ‘e pei ‘ona saunoa le komesina. 

Link to RNZ (Article) translated by Savelina Kasiano: https://www.rnz.co.nz/news/national/524405/concern-rise-of-biometrics-infringes-on-privacy

ATA: Sāmoa Capital Radio (file).