Te’a ma le falema’i se pepe sā manu’a tīgāina lona ulu ‘a’o fa’agāsolo ai su’esu’ega

‘Ua te’a ma le falema’i se pepe ‘i Northland na manu’a tīgāina lona ulu ‘i le māsina talu ai, ‘a’o fa’agāsolo ai su’esu’ega ‘a leoleo, pe na fa’apēfea ‘ona manu’a le pepe lima māsina le matua. 

Na ‘ave le pepe ‘i le falema’i ‘o Dargaville ‘i le Aso 28 Tēsema 2024 ‘a’o a’afia lona ulu ‘i ni manu’aga ogaoga, ma toe ‘ave mulimuli ai ‘i le falema’i ‘o tamaiti, le Starship ‘i ‘Aukilani. 

Na tā’ua ‘e Sātini Shane Pilmer ‘o Whangārei, sa talanoa ‘i le ‘āiga ‘o le pepe ‘a’o fa’aauau ai pea su’esu’ega.  ‘O lo’o māta’itū ‘e leoleo mea na tutupu ‘i le aso 28 Tēsema.  ‘Ua vala’au leoleo ‘i so’o se tagata ‘o silafia ni fa’amatalaga ‘i lea matā’upu, ‘ina ‘ia o’o atu pe fa’afeso’ota’i atu fo’i le telefoni 105, po’o luga ‘i ‘upegatafā’ilagi ‘a le ‘ōfisa.

Link to RNZ (Article) translated by Savelina Kasiano: https://www.rnz.co.nz/news/national/539552/baby-discharged-from-hospital-following-serious-head-injuries-investigation-continues

ATA: RNZ / Cole Eastham-Farrelly