Tauvā Paul Henry mō le ACT ‘i le faigāpālota tele

‘Ua fa’ailoa le tauvā ‘o le ali’i fa’asalalau Paul Henry ‘i le vāega fa’a’upufai ‘a le ACT ‘i se fa’atasiga ‘i le taeao ananafi ‘i ‘Aukilani.  Na saunoa Henry, ‘e lēai sona manatu ‘e fia ta’ita’i ‘i le vāega fa’a’upufai ma ‘e le’i talanoa fo’i ‘i le ta’ita’i David Seymour ‘i se tūlaga fa’apea. 

‘I sana talanoaga mulimuli ane ‘i luga ‘o le RNZ na ia saunoa ai, sa fa’atali ‘i se fa’ai’uga ‘a le komiti ‘o le vāega fa’a’upufai pe ono maua sona tūlaga maualuga ‘i le lisi.  ‘O Henry ‘o se tasi ‘o tagata fa’asalalau pito lauiloa ‘i le atunu’u, ‘aemaise ‘i le ‘umi ‘ona fa’asalalau ‘i televise ma leitiō ma le ‘auala ‘e fa’atino ai ana fa’atalanoaga.  ‘O le tausaga ‘e 1999 na tauvā ai ‘i le pālota ‘i lalo ‘o le tagāvai ‘a le National mō le itūmālō ‘o Wairarapa, peita’i na faiā’ina ‘iā Georgina Beyer ‘o le Labour.

Link to RNZ (Article): https://www.rnz.co.nz/news/politics/715192/paul-henry-to-stand-for-act-in-this-year-s-election

IMAGE/ATA: RNZ / Marika Khabazi