Tau fa’amata’u se kamupanī moa vao ona ua tu’ua’ia ‘i lona fa’aleagaina ‘o laupapa fa’ailoilo ‘a le Te Pāti Māori

‘Ua iai ni feau tusitusia tau fa’amata’u ‘ua tu’uina atu ‘i se tasi ‘o moavao, ina ua fa’asilasila fa’alaua’itele ‘e le Peresetene ‘o le Te Pati Maori John Tamihere ‘i luga le facebook, ni tu’ua’iga ua tu’ua’ia ai le moavao ‘i lona fa’aleagaina ‘o sē tasi ‘o laupapa fa’ailoilo ‘a le Vāega Fa’a’upufai. Na fa’aalia ‘e Steve Howley, ‘e le’i alu ‘i le gāluega ‘i le Aso Tofi ona ‘o lona fefe ‘i fa’ao’o lima se isi iā te ia.

Peita’i, na tā‘ua ‘e Tamihere ‘o le matā’upu ‘ua i leoleo ‘i le taimi nei, ma iloilo ai le fa’amāoni ma le sa’o ‘o ia fa’amatalaga.’I līpoti ‘a le Leitiō Niu Sila, na fa’ailoa ai, sa fa’aaogā ‘e Tamihere ata na pu’eina ‘o le ta’avale ‘a Howley, ma fa’asilasila ‘e fia maua lē ‘e anaina lea ta’avale, ona ‘ua ia fa’aleagaina laupapa. Peita’i na fa’ailoa ‘e Howley, na alu atu fa’amamā ana lava fa’ailoilo, ma ‘e le’i iai sona manatu ‘o pu’eina ‘e nisi ona ata. Na taunu’u atu ‘i le fale ‘ae soso’o atu telefoni na vili atu ma tau fa’amata’u atu, ona ‘o lo’o tu’ua’ia ‘i ni gaioiga ‘e nate ta’utino nate le’i faia. 

Link to RNZ (Article) translated: https://www.rnz.co.nz/news/political/569326/gardener-gets-death-threats-after-vandalism-claims-from-te-pati-maori

ATA: Supplied/Steve Howley (RNZ).