Tatala le tusi ‘a Jacinda Ardern ‘iā Iuni

‘E loloto lava ni lagona ma manatu ‘o lē sā ‘avea ma Palemia ‘o Niu Sila, Jacinda Ardern, ‘o le ‘ā fa’alauiloa ‘i lana tusi lea ‘e tatalaina ‘i le māsina ‘o Iuni ‘e tusa ai ma līpoti.  ‘O lo’o tā’ua, ‘o le ‘ā fa’ailoa ai ni taimi tāua ‘o lana ta’ita’iga fa’apea ai ma au’ili’iliga ‘o lana fa’ai’uga na fa’ase’e ‘ese ai ma le tofiga palemia.

‘O le 37 ‘o tausaga ‘o Ardern na ‘avea ai ma palemia ‘o Niu Sila, ‘iā ‘Oketopa 2017, ma ‘avea ai ‘o ia ma tama’ita’i pito sili ‘ona la’itiiti ‘i le lalolagi ‘e ta’ita’ia se faigāmālo.   Na fānau lana tama teine ‘o Neve ‘iā Iuni ‘i le tausaga na soso’o ai, na ‘avea ai fo’i ‘o ia ma ta’ita’i muamua ‘o se atunu’u ‘i le lata ‘i le 30 tausaga, na fānau sana tama ‘a’o ‘avea ma ta’ita’i ‘o se atunu’u. 

‘O le igoa ‘o le tusi, “A Different Kind of Power”.  Na fa’aalia ‘e Ardern, ‘o le alofa, ‘e mafai ‘ona faia ai ni mea tetele, na ia va’aia na maua ai ‘e tagata le fa’amoemoe, na suia ai o lātou māfaufau, ma suia ai soifuaga.  ‘O se tasi ‘o vāega ‘o lo’o aofia ‘i le tusi. 

Link to RNZ (Article) translated by Savelina Kasiano: https://www.rnz.co.nz/news/political/539637/politics-of-kindness-to-be-tackled-in-ardern-s-tell-all-memoir

ATA: Penguin Random House