Tāpunia le Hataitai Medical Practice ‘i Uēligitone talu mai le 40 tausaga

‘E silia ma le to’a 2000 tagata ‘i Uēligitone ‘o le ‘ā toe su’e ni a lātou fōma’i fou ‘i le tausaga ‘ā sau ‘ona ‘o le ‘ā tāpunia le falema’i ‘o le Hataitai Medical Practice.  ‘O lea ‘au’aunaga, ‘o le ‘ā tāpunia ‘i le Aso 28 Mati mō se faigāmālōlōga ‘e lē ‘o iloa le ‘umi.  ‘O lea ‘au’aunaga fa’asoifua mālōlōina, ‘e fa’agalueā’ina ‘e se ‘āiga. 

Na fa’aalia ‘e Dr Philip Wong, ‘e tatau ‘i tagata ‘ona lesitala ‘i isi ‘au’aunaga ‘i totonu ‘o Uēligitone, ma ‘o le a tufa solo ‘i fōma’i ‘o lo’o maua ai ni avanoa mō lea piliota.  ‘E iai fo’i isi māfua’aga ‘ua ala ai ‘ona tāpunia pei ‘ona fa’aalia ‘e le ali’i fōma’i.  Na fa’aalia ‘e Justine Thorpe ‘o le ‘ōfisa sili ‘o le Tū Ora Compass, sa telē tele le sao ‘o lea ‘au’aunaga ‘i tagata ‘o Uēligitone ‘i le tele ‘o tausaga.   Ma ‘ua fa’afetaia fo’i le ‘au’aunaga fa’afalema’i ‘i Hataitai ‘ona ‘o la lātou gāluega mō tausaga ‘e tele. 

Link to RNZ (Article) translated by Savelina Kasiano: https://www.rnz.co.nz/news/national/530148/wellington-s-hataitai-medical-practice-to-close-after-40-years

ATA: Hataitai Medical Practice.