Tāpunia corridor ‘i se vāega ‘o le falema’i Uēligitone mō nisi moega fa’aopoopo

‘Ua līpotia ‘e le TV tasi, le tāpunia ai ‘o se vāega ‘o se ala ‘e sāvavali ai po’o se corridor ‘i le itū ‘e taunu’u ‘i ai gasegase fa’afuase’i ‘i le falema’i tele ‘i Uēligitone ‘i le vāiaso nei, ‘ae tu’u ai nisi moega fa’aopoopo, ‘ona ‘o  lo’o tūmau pea le maualuga ‘o le nūmera ‘o tagata gasegase. 

Na saunoa Robert Blaikie ‘o le fa’atonu sili mō gāluega mō le taimi nei ‘a le Soifua Mālōlōina ‘a Niu Sila mō Uēligitone, Porirua ma Kapiti fa’apea ma le Hutt Valley, ‘ā o’o ‘i taimi ‘e to’atele ai tagata gasegase ‘i totonu ‘o le ED, ‘ona fa’atino loa lea ‘o ni fuafuaga lē tūmau ‘e fa’aopoopo ai ni moega ‘e o’o atu ‘i le 4 ‘i se corridor ‘i fafo ane ‘o le potu lea ‘e fa’atalitali ai ma’i mō siaki ‘i le ED.  ‘O gasegase ia ‘ua fa’atalitali le taimi ‘e te’a ai ‘i tua ‘i ‘āiga mā ‘o le tūlaga lea na tupu ‘i le Aso Lua.

‘O nisi ‘o māfua’aga ‘ua fa’aopoopo ai le tūlaga faigatā ‘o ‘au’aunaga ‘a le soifua mālōlōina ‘i le atunu’u, ‘ona ‘o le vaitau ‘o le fulū ‘aemaise lava ‘o le vāega ‘o le influenza lea ‘ua mālosi le pipisi ‘i lenei vaitau, fa’atasi ai ma le to’atele lava ‘o tagata ‘o lo’o taofia ‘i falema’i. 

Link to RNZ (Article): https://www.1news.co.nz/2026/09/16/wellington-hospital-closes-off-part-of-corridor-for-extra-beds/

IMAGE/ATA: RNZ