Tāpā ‘e ‘āiga ‘o teine ‘o le Kolisi ‘a Uēligitone ni tali ‘i le tapuniga ‘o le ā’oga

‘Ua vala’au mātua ma ‘āiga ‘o teine ‘o le Kolisi ‘a tama’ita’i Uēligitone po’o le Wellington Girls’ College ‘i le Matāgāluega ‘o Ā’oga ‘ina ‘ia fa’ato’ese, ma ‘aua le manatu fa’atauva’a ‘i tūlaga lamatia ‘o a lātou fānau teine, pei ‘ona lipotia ‘i se fonotaga ‘e tapuni ai le kolisi. 

‘O le aoauli ananafi na faia ai se fonotaga, sa ‘āuai nisi ‘o fa’auluuluga ‘o le matāgāluega fa’atasi ai ma le inisinia ta’iulu.  ‘O le tala ‘a se tasi ‘o tamā ‘i sui ‘o le matāgāluega, ‘ua lamatia soifua ‘o a lātou fānau ‘ona ‘o i lātou, ma ‘e mānaia lava le fa’alogo atu ‘o fa’atoese sui ‘o le matāgāluega.  ‘O le Aso Gafua na iloa ai ‘e le to’a 1300 ‘o teine ā’oga, ‘e na’o le 15 pasene le mālosi ‘o lo’o ‘ausia ‘e le faleā’oga pito telē le Brook Block.  ‘O le fa’amatalaga ‘a le ā’oga, fa’ato’ā o lātou iloa le maualalo ‘o le pasene ‘o le mālosi ‘o le fale, ‘ina ‘ua va’ai ‘i se lipoti ‘a le matāgāluega ‘iā ‘Aperila.  Na tāpuni ai ‘e le komiti fa’atonu lea poloka.  Pē māsina ‘ātoa ‘o le ‘ā ā’o’oga atu ai tēneiti ‘o le ā’oga ‘i o lātou ‘āiga pe ta’i tasi aso ‘o le vāiaso, po’o le fe’ōma’i ‘i totonu ‘o nisi potu ā’oga.  ‘O le aoauli ‘o le asō lea ‘ua līpotia ‘o le ‘ā fa’alaua’itele ai fa’amatalaga ‘uma po’o le ‘ā fa’apēfea ‘ona tali atu le ā’oga ‘i nei fa’afītāuli. 

Link to RNZ (Article) translated by Savelina Kasiano: https://www.rnz.co.nz/news/national/525068/wellington-girls-college-families-demand-answers-over-shutdown-at-heated-hui

ATA: RNZ.