Taofia se ali’i ‘i se misa ‘i le falema’i tele ‘i Middlemore ‘i ‘Aukilani.

‘I le falema’i tele ‘i Middlemore, na taofia ai ‘e leoleo se ali’i, ‘ona ‘o se misa na tūla’i mai ai ‘i le afiafi ‘o le Aso Gafua ananafi.  Na fa’ailoa mai ‘e leoleo, ‘o le tagata na manu’a ‘i lenei fa’alavelave na fa’ao’olima ‘i ai se tasi ‘o gasegase. 

‘E 23 tausaga le matua ‘o le ali’i na tāofia mai ai ma ‘ua feagai ma mōliaga ‘o le fa’ao’olima.  ‘O se taimi ‘o le asō, ‘o le ‘ā tūla’i ai ‘o ia ‘i luma ‘o le Fa’amasinoga Fa’aitūmālō ‘i Manukau, ‘ona ‘o lea matā’upu.

‘Ua tūla’i mai lea fa’alavelave, ‘ina ‘ua mavae nai aso talu ‘ona fa’apā ‘e se tagata se fana ‘i le paka ‘o ta’avale ‘i le falema’i lava lenei ‘i Middlemore ‘i ‘Aukilani ‘i saute.  Peita’i, na fa’ailoa mai ‘e leoleo, ‘e lēai se so’otaga ‘o ia matā’upu ‘e lua.

Link to RNZ (Article) translated by Lauano Ilaoa: https://www.rnz.co.nz/news/national/538303/patient-arrested-after-assault-at-middlemore-hospital-police