Talosaga leoleo ‘i Dunedin mō ni fa’amatalaga ‘e uiga ‘i le maliu ‘o se tagata ti’eti’e uila ‘i le Aso Sā

‘O lo’o fa’atalosagaina ‘e leoleo ‘i le ‘a’ai ‘o Dunedin se fesoasoani mai le mamalu ‘o le atunu’u mō ni fa’amatalaga ‘e ono fesoasoani ‘iā lātou su’esu’ega ‘o lo’o fa’agāsolo, ‘i le maliu ‘o se tagata ti’eti’e uila ‘i le Aso Sā na te’a nei.

Na līpotia ‘i leoleo po’o le 3.30pm ‘i le afiafi ‘o le Aso Sā le maua ‘o se ali’i ‘ua maliu ‘i le ‘auala ‘e igoa ‘o le Portabello Road ‘i le Penisula ‘o Otago, mā ‘o lo’o fia talanoa leoleo ‘i so’o se tasi na va’ai ‘i le tagata ti’eti’e uila lenei ‘i le ‘auala ‘i Portabello ‘ātoa ma le Taiaroa Head ‘i le vā ‘o le 2 ma le 4 ‘i le afiafi ‘o le Aso Sā.

Link to RNZ (Article) translated by Lauano Ilaoa:https://www.rnz.co.nz/news/national/531467/police-appeal-for-information-after-death-of-cyclist-on-portobello-road-in-dunedin

ATA: RNZ / Tess Brunton