Talosaga  le fa’atonu ‘o vāega ‘e fa’atautaia fa’amasinoga ‘o soligātūlāfono ‘ī Fiti, mō se fesoasoani ‘a Niu Sila

‘Ua mana’o le Fa’atonu ‘o Vāega ‘e Fa’atautaia Fa’amasinoga ‘o Soligātūlāfono ‘i Fiti, ‘ina ‘ia faia ‘e le mālō ‘o Niu Sila, ni tūlaga ‘e fa’alauiloa ai se fa’alētonu ma le mātuiā ‘o mea ‘o faia ‘e le mālō ‘o Fiti ‘iā te ia. ‘O Christopher Pryde, ‘o se sitiseni Niu Sila, sā ia ‘ūmia le tofiga ‘o le Fa’atonu ‘o Vāega ‘e fa’atautaia fa’amasinoga ‘o soligātūlāfono ‘i Fiti, mai le 2011, se’ia o’o ‘ina fa’amālōlō lē tūmau ‘iā Aperila 2023. 

Sa ia maua pea fa’amanuiaga māsani ‘a’o faia se su’esu’ega ma se fa’ai’uga, pē tatau ‘ona taloina ‘e le Peresetene Ratu Wiliame Katonivere se Fa’amasinoga. ‘O Pryde na fa’amālōlō lē tūmau ‘e Katonivere ‘i luga ‘o le fautuaga mai le Komisi ‘o ‘Au’aunaga ‘a le Fa’amasinoga, ‘ona ‘o tu’ua’iga ‘o āmioga lē taupulea. ‘I se tusi ‘e lima ītūlau na ‘auina atu ‘i le Minisitā ‘o le Vā ‘i Fafo Vaovasamānaia Winston Peters ‘i le Aso Tofi, na fa’amaonia fo’i ‘e le RNZ, na tā‘ua ai ‘e Pryde ‘o gaioiga na faia ‘iā te ia, ‘e tatau ‘ona ‘avea ma lapata’iga ‘i isi tagata Niu Sila, ‘ātonu ‘o lo’o māfaufau ‘e tau’aveīna ni tofiga ‘i Fiti. Na saunoa Pryde, ‘e ui ‘o lenei matā’upu ‘o le vā ‘o ia ma le mālō, ‘ae ‘o le gaioiga ‘a le mālō ‘o Fiti ‘e fa’amuta ai lona totogi ‘i le fā tausaga ‘o lana konekarate fitu tausaga, ‘e lē talafeagai.

‘O le ‘ā lē mafai ai ‘ona ia tete’e atu i mōliaga fa’asaga ‘iā te ia, ma ‘ua 15 māsina ‘e le’i maua lava se i’uga ma se aso ‘e faia ai iloiloga. ‘O le taimi muamua lea ‘ua fa’asoa ai Pryde ‘e uiga ‘i le fa’amālōlō lē tumau ai ‘o ia mai ‘i ona tofiga. ‘I le aso 9 ‘o Iūlai, sā tusi atu ai ‘i le Komisi ‘o ‘Au’aunaga ‘a le Fa’amasinoga ma fesili po‘o āfea ‘e tatau ‘ona fa’amoemoe ‘e maua ai lona ‘alauni mō totogi ‘e tatau ‘ona totogi mai ‘iā ‘Aperila 2024, ‘ona ‘o tu’utu’uga ‘uma ‘o lo’o ‘i lalo ‘o le konekarate, peita’i ‘o le aso lava lea na ia maua ai se tusi ‘e fa’ailoa atu ai le fa’amuta ‘ona maua ‘o lona totogi.

ATA: Fiji Village