Talosaga Iunivesitē ‘i Niu Sila mō nisi fesoasoani tupe mai le mālō

‘O lo’o lapata’ia ‘e iunivesitē se i’uga ‘e o’o ‘i ai, pe ‘ā lē toe fa’afouina ‘e le mālō se fesoasoani tau tupe ‘e fa’atasi ‘ona maua. ‘O iunivesitē ‘i totonu ‘o le atunu’u, ‘o loʻo feagai ma lu’itau ‘o tūlaga ‘i pāketi, ma le ‘afa ‘o iunivesitē ‘e valu ‘o loʻo faʻamoemoe ‘e lusi le faitau miliona tālā.

Na tā‘ua ‘e le pule sili ‘o iunivesitē ‘i Niu Sila Chris Whelan ‘i le leitiō Niu Sila, ‘o le ‘ā sili atu le leaga ‘o le tūlaga ‘e o’o ‘i ai, pe ‘ā lē fa’amautū mai ‘e le Tala ‘o le Tupe ‘o le tausaga fou, se si’itaga fa’aopoopo ‘e 4 pasene ‘e fesoasoani mō le resitalaina ‘o tamaiti ‘e fa’aulu atu mō le su’eina ‘o tusi ma fa’ailoga mauāluluga mō na ‘o le 2024 ma le 2025. ‘O le si’itaga na sili atu ‘i le 5 pasene le si’itaga ‘i totogi fesoasoani ‘i le 2024, ma ‘e tusa ma le 128miliona tālā lona tau.

‘O le Tala ‘o le Tupe ‘a le Mālō ‘o lenei tausaga na si’itia ai ‘i le 2.5 pasene, le fesoasoani mō le 2025. 

ATA: Victoria University of Wellington Kelburn Campus (file).