Talia ‘e puleā’oga le ofo ‘a le mālō mō totogi

‘Ua taliaina ‘e puleā’oga ‘o Ā’oga Tūlaga Lua le ofo ‘a le mālō ‘i le si’itaga ‘o o lātou totogi ‘e tusa ai ma sa lātou feūtaga’iga.  ‘O le to’atele lava ‘o sui ‘o le Iuni ‘a le NZEI na pālota ‘e talia le ofo ‘a le Matāgāluega ‘o Ā’oga.

‘E 2.5 pasene le si’itaga ‘o le ‘ā fa’avave ‘ona tu’uina atu, fa’aopoopo ‘i ai ma le 2.1 pasene ‘i totonu ‘o le isi 12 masina ‘o lumana’i.  ‘O lo’o aofia ai fo’i se ‘alauni ‘e $15,000 ‘ona ‘o le tele ‘o gāluega ‘a puleā’oga, mai le fa’atinoga ‘o suiga ‘a le mālō ‘i le kurikalama, po’o le polokalame fa’atūlagaina mō a’oa’oga. 

Na saunoa le Minisitā ‘o Ā’oga, Erica Stanford, ‘o le totogi ‘autū mō le Ta’ita’iga ‘i le Tusitusi, Faitau Tusi ma le Nūmera, ‘o le ‘ā si’itia ‘i le $10,000 ‘i le tausaga ‘e tusa ai ma le māliliega.  Na ia tā’ua fo’i, ‘o le māliliega lea ‘ua faia ‘i totogi, ‘o ni suiga lelei ma le tāua ‘i totogi ‘o puleā’oga fa’apea ai ma le tūlaga ‘ia lātou gāluega.

Link to RNZ (Article) translated: https://www.rnz.co.nz/news/national/587811/primary-school-principals-accept-government-pay-offer

ATA: SCR (file)