Tali le pulenu’u ‘o Nelesoni ‘i le tala ‘a Donald Trump ‘e fa’apea ‘o ‘Amerika na vaeluaina le atom

‘Ua tali atu le Pulenu’u ‘o Nelesoni ‘i le Peresetene fou ‘o le Iūnaite Setete Donald Trump, ‘i sana saunoaga ‘e fa’apea ‘o ‘Amerika na vaeluaina le atom.  ‘O Sir Ernest Rutherford ‘o Nelesoni ‘i Niu Sila, na ia ulua’i vaeluaina le atom, ‘i le tausaga ‘e 1917 ‘i le Iunivesitē ‘o Victoria ‘i Manchester ‘i ‘Egelani.

Peita’i ‘i le taimi ‘o le saunoaga ‘a Peresetene Trump ‘i lona fa’atautoga, na ia fa’aaogāina ai lea matā’upu ‘e fai ma fa’ata’ita’iga, ‘a’o ia tōlaulauina ni matāti’a na ‘ausia ‘e le Iūnaite Setete.  Na fa’aalia ‘e le pulenu’u ‘o Nelesoni Nick Smith ‘i luga ‘o ‘upega ‘o feso’ota’iga, le fa’ate’ia ‘o ia, ‘i le fa’alogo atu ‘i le molimau ‘a Trump, ‘ona ‘o lea fa’aeaeaga, ‘e fītoi tonu ‘i le alo pito sili ‘ona lauiloa ‘o Nelesoni, ‘o Sir Ernest Rutherford. 

Na pau ā lea, lātou te mānana’o ‘e fa’asa’o fa’amaumauga ‘o tala fa’asolopito pei ‘ona saunoa Smith.  ‘E tatau ‘ona mitamita tagata ‘o Nelesoni fa’apea Niu Sila, ‘i tūlaga na ‘ausia ‘e Rutherford ‘i le 1917, ‘i le ‘avea ma tagata muamua na ia vaeluaina le atom, ma ‘e fia fa’ailoa atu ma le agaga fa’aaloalo ‘i tagata ‘Amerika lea moni. 

‘O Rutherford na maliu ‘i le vāitau ‘o le 1930, na fa’aeaina ‘i le fa’ailoga ‘o le Nobel Prize ‘i le chemistry, mā ‘o lona ata, sā i luga ‘o le tupe pepa $100 talu mai le 1992.

Link to RNZ (Article) translated by Savelina Kasiano: https://www.rnz.co.nz/news/national/539505/nelson-mayor-responds-to-donald-trump-s-claim-america-split-the-atom-in-speech

ATA: