Tali le Palemia ‘i le māliliega ‘o fefa’atauā’iga ‘e ono tupu ‘i le vā ‘o Saina ma ‘Amerika

Na fa’aalia ‘e le Palemia Christopher Luxon, ‘o se tala fiafia tele pe ‘ā fai ‘e maua se māliliega ‘o fefa’atauā’iga ‘i le vā ‘o le Iūnaite Setete ma Saina peita’i, ‘o le ‘ā iloa lava ‘i se taimi po’o le ā se tūlaga ‘e o’o iai Niu Sila ma isi atunu’u ‘o le lalolagi ‘i lea māliliega.

Na saunoa Peresetene Donald Trump ‘ua māe’a se māliliega ma Saina, ‘ina ‘ua tuana’i ai aso ‘e lua ‘o ni talanoaga na faia ‘i Lonetona.  Na talia fiafia ‘e Luxon lea tala peita’i ‘e fia va’ai ‘i ni au’ili’iliga.  ‘E iai lona manatu, ‘ina ‘ia talanoaina lea matā’upu ma Peresetene Xi Jinping ‘o Saina ‘i le isi ana malaga.  ‘E ui lava ‘i le tūlaga lē mautinoa ‘o iai fefa’atauā’iga, ‘ae na saunoa Luxon, ‘o lo’o sōloga lelei pea ‘oloa ‘auina atu ‘a Niu Sila ‘i le Iūnaite Setete.

Link to RNZ (Article) translated: https://www.rnz.co.nz/news/political/563887/devil-will-be-in-detail-luxon-reacts-to-possible-usa-china-trade-deal

ATA: RNZ / Marika Khabazi