Tali le Palemia Christ’opher Luxon ‘e uiga ‘i le fa’atauga ‘o le isi ona fale ‘i Uēligitone

‘Ua tali atu le PalemiaChristopher Luxon, ‘i fesili ma fa’amatalaga ‘o lo’o fe’avea’i ‘e tusitala ma luga ‘o ‘upega ‘o feso’ota’iga, ‘e uiga ‘i le isi ona fale ‘ua toe fa’atau atu ‘o lo’o ‘i Uēligitone. Na ia saunoa ‘i luga ‘o se ālā televise ‘i le taeao ananafi, ‘e lē mafai ona ‘alo ‘i le ata ‘o le lā’au, ma na ia fa’amanino, ‘o ia ‘e mau mea, ‘e lē mafai ona ‘alo mai ‘i lea vāega.

‘I fa’amaumauga ‘o meatōtino ‘i luga le ‘initaneti, ‘o lo’o fa’aalia ai, ‘o le apartment‘e i totonu ‘o leKate Sheppard Complexfa’afesāga’i ma le Maota fono, na fa’atauina atu ‘i le Aso 8 ‘o Sētema , peita’i ‘o lo’o fa’atali pea se fa’ai’uga, ‘e tusa ai ma līpoti ‘a le Leitiō Niu Sila. ‘E lua faletā’ele ma potu moe ‘e lua. Na fa’atauina mulimuli atu mō le $795,000 iā Sētema 2020 – pē ā ma le masina a’o le’i ‘aveaLuxonma faipule mōBotany. ‘E i le vā ‘o le $745,000 ma le $890,000 le tau ‘ua fa’atūlagaina ‘e tatau ‘ona iai le fale ‘i le taimi nei. Na fesiligia ‘e tusitala po’o ā ni ona lagona ‘ina ‘ua fe’avea’i tala ‘i luga ‘o ālā televise lenei vaiaso, na taliLuxon,‘e lē tatau ‘ona faifai tagata iā te ia, ma ‘e ta’utino manino, ‘o ia ‘e mau mea. ‘E lē na’o leapartment‘i Uēligitone le fale ‘oLuxon‘ua fa’atau atu, ‘o le māsina talu ai na fa’atauina atu ai fo’i le isi ona fale ‘iOnehunga, ‘e tusa ai ma līpoti.

Link to RNZ (Article) translated by Anna Fa’asolo: https://www.rnz.co.nz/news/political/529535/prime-minister-christopher-luxon-responds-to-attention-on-wellington-apartment-sale

ATA: Prime Minister Christopher Luxon. RNZ/ Nate McKinnon