Talanoa Nicola Willis ma Barbara Edmonds ‘i le Supa’anueta

Na’o sina taimi pu’upu’u na sōloga lelei ai ni māliliega ‘i se matā’upu ‘i le vā ‘o le Vāega Fa’a’upufai ‘a le National ma le Leipa. Na līpotia ‘e le Stuff se talanoaga ‘i le vā ‘o le so’o’upu mō tupe ‘a le National Nicola Willis ma le so’o’upu mō le Leipa Barbara Edmonds, na mālilie ‘e faia se talanoaga ‘e uiga ‘i le fa’atūmauina ‘o le faiga ‘o Supa’anueta ‘a Niu Sila ‘i le taimi nei.

’I lea talanoaga na alia’e ai se fesili, pē talafegai ona si’itia ‘i luga le tausaga ‘e maua ai le Supa’anueta, mai ‘i le 65 ‘o lo’o iai nei. ‘E manatu Willis ‘o le National, ‘o le mea ‘e tatau ona fai, peita’i na tā’ua ‘e Edmonds ‘i se fa’atalanoaga ma le Stuff  ‘i le tāeao ananafi,’e le’o se talanoaga lea na faia, ‘ua fa’ato’ā lua ītūla talu ‘ona lā talanoa ma Willis, ma e fa’ate’ia ‘o ia ‘i fesili ‘e uiga ‘i tausaga mō le Supa’anueta. Sa fa’ailoa ‘e Willis, ‘o le lā talanoaga ma Edmonds, ‘e le’o fa’aaogāina ona matāfaioi fa’a Minisitā ‘o Tupe, ‘ae ua na’o se so’o’upu mō tupe ‘a le Pāti ‘a le National. ‘E le’o iai se fa’amoemoe ‘e si’itia le tausaga mo Supa’anueta ‘i se taimi lata mai, ona na fa’aalia manino ‘e le NZ First lātou te lē lagolagoina.’I fa’atosina ‘a le National mō le pālota na fa’ailoa ai, ‘e mānana’o ‘e si’itia le tausaga ‘e maua ai le Supa, mai le 65 ‘o lo’o iai nei, ‘i le 67 ‘i le 2044.

Link to Stuff (Article) translated by Anna Fa’asolo: https://www.stuff.co.nz/politics/350439035/national-and-labours-consensus-superannuation-lasts-only-few-hours

ATA: Barbara Edmonds and Nicola Willis at Mood of the Boardroom breakfast.