Ta’ita’i ‘e le ta’ifau le ‘au su’esu’e ‘i lona matai ‘i Ōtaki Gorge

‘Ua maua le tamā lea na sā’ilia ‘i Ōtaki Forks talu mai le Aso To’ona’i, ‘ina ‘ua ou lana ta’ifau.  Na fa’aalia ‘e leoleo, na maua David McHaffie ma lana ta’ifau ‘e ‘i lātou sā sa’ilia ‘o ia pe tusa ‘o le itūlā ‘e 5 ‘i le afiafi ‘o le Aso Gafua.  Na maua ‘e leoleo ni lipoti ‘o se ta’ifau na ou ‘i le Ōtaki Gorge ‘i aso ‘e tolu ia na faia ai le sā’iliga. 

Na fa’aalia ‘e Sātini Marcus Fellerhoff, sā fōliga mai ‘e lē maua le tamā pe ‘ana lēai lana ta’ifau.  Na momoli le tamā ‘i le falema’i ‘i Uēligitone ‘i se helikopa mō togafitiga.  Sa fa’afetaia ‘e le ‘āiga le gāluega ‘a le vāega lavea’i fa’apea leoleo ma tagata ‘uma sā lagolago ‘i le sa’iliga ‘o McHaffie.

Link to RNZ (Article) translated by Savelina Kasiano: https://www.rnz.co.nz/news/national/534862/dog-leads-rescuers-to-owner-missing-in-otaki-gorge

ATA: David McHaffie was flown to Wellington Hospital for assessment. Photo: Police / supplied