Ta’i $150,000 ‘o taui mō tagata na fa’asaoina mai Lake Alice

‘E ta’i $150,000 ‘o le ‘ā maua ‘e tagata ta’itasi na sauāina ‘a’o lāiti, ‘i le falema’i ‘o le Lake Alice, na tausi ai tagata ‘e iai a’afiaga ‘i le māfaufau, pē mafai fo’i ‘ona o lātou talosagaina se fa’amasino tūto’atasi ‘e faia se iloiloga mō ‘i lātou ta’ito’atasi.  Na faia ‘e le minisitā ‘e nafa ma lea matā’upu, Erica Stanford, le fa’asilasilaga ‘i le aoauli ‘o le Aso Lulu, na fa’ailoa ai le fa’aagaga ‘ese ‘e le mālō ‘o se vaegā tupe ‘e o’o atu ‘i le 22.68 miliona tālā mō le polokalame ‘o taui ‘ona ‘o sesē na faia ‘e le falema’i ‘a le Lake Alice. 

‘E tatau ‘ona o’o atu ‘i le fa’ai’uga ‘o ‘Aperila, ‘ua māe’a ‘ona filifili tagata ta’ito’atasi ‘i le ‘auala ‘e totogi atu ai le tupe.  Na saunoa Stanford, ‘o le fa’ai’uga ‘o le 2025, ‘e totogi ai ia tupe.  ‘O le ‘ā taulimaina fo’i ‘e ia tagata se fa’atō’esega fou tusitusia mai le Mālō ‘e matuā ta’utino ai sauaga na feagai ma ia tagata, ma fesoasoani fo’i ‘i ai ‘ina ia maua ‘au’aunaga ‘e lagolago ma fesoasoani ai ‘iā ‘i lātou.  Na māua ‘i īloiloga ‘a le Komisi Su’esu’e ‘i Sauaga ‘i tamaiti ‘i lalo ‘o le tausiga ‘a le Mālō, ‘e fa’apea ‘o le to’atele ‘o tamaiti mai le to’a 362 na ‘i le Lake Alice unit ‘i le vā ‘o le 1972 ma le 1978, sā sauāina.    

Link to RNZ (Article) translated by Savelina Kasiano: https://www.rnz.co.nz/news/political/537050/attorney-general-appalled-after-judge-and-former-doctor-verbally-abuse-winston-peters-at-exclusive-party

ATA: Lake Alice (PUBLIC DOMAIN / Pawful) Erica Stanford (RNZ).