Tā ‘i le sāmala ‘a’o moe se tamaitiiti ‘e valu tausaga

‘E valu tausaga ‘o se tamaitiiti na ‘uma lona ola ‘i Hamilitone, ‘ina ‘ua osofa’i ‘e se tagata ‘i luga ‘o le moega ma tā ‘i se sāmala ‘a’o momoe ma lona tamā. 

Sā lipotia, ‘o le tagata lea, sa fa’asoesā ma fa’atupu popole ‘i tagata ‘o se pitonu’u ‘i Hamilitone ‘i le aoauli ‘o le Aso Sā ‘ona sa alu solo ‘i fale ‘o ‘āiga.  Mulimuli ane na logoina leoleo, ‘ona piki lea ma momoli ‘i Anthony Crescent i Bader pe tusa ‘o le ‘afa ‘o le 4 ‘i le afiafi, le ‘auala po’o le pitonu’u lea na nonofo ai le tamaitiiti 8 tausaga le matua ‘o Zahquiel Taipeti ma lona tamā.  Na lipotia ‘e fa’apea na fa’ao’o ‘e le taule’ale’a le oti ‘i le tamaitiiti, ma fa’ao’o fo’i manu’aga ‘i nisi tagata se to’alua, ‘e aofia ai le tamā ‘o le tamaitiiti ‘a’o moe.  Sa tūla’i le taule’ale’a ‘i le fa’amasinoga fa’aitūmālō ‘o Hamilitone ‘i le Aso Gafua ma ‘e toe tūla’i ‘i le fa’amasinoga ‘i le Aso 17 Sētema.

Link to RNZ (Article) translated by Savelina Kasiano: https://www.rnz.co.nz/news/national/526959/hamilton-child-homicide-zahquiel-taipeti-8-allegedly-attacked-with-hammer-as-he-slept 

ATA: RNZ / Natalie Akoorie.