Susunu e faipule ‘e to’alua mai le Te Pāti ‘a Māori le pili ‘i fafo ‘o le Palemene

‘E le’o talia gōfie ‘e le fofoga fetalai Gerry Bownlee, ni gāioiga a sui faipule ‘a le Te Pāti Māori, Debbie Ngarewa-Packer ma Tākuta Ferris, pei ona fa’aalia ‘i se video na tu’uina ‘i luga ‘o ‘upega o feso’ota’iga, ‘o lo’o va’aia ai le lā susunuina ‘o kopi ‘o le pili Marine and Coastal Amendment Bill.

Na maua ‘i le video talanoaga ‘a Debbie ma Ferris, ‘a’o lā susunuina pepa ‘e fa’apea, ‘ua susunuina le pili, ma tu’uina atu ‘i Mahuika – po’o le Atua ‘o le āfi (Goddess of Fire) pei ona ‘iai talitonuga ‘o Māori. ‘O le pili na pāsiaina ‘i lona faitauga lona tolu ‘i le Palemene, ‘i le pō ‘o le Aso Lua. ‘O le pili pei ‘ona pāsiaina, e fa’amamalu ai ni su’ega fou ma faigatā, mō le a’oa’ia ‘o aiā tatau faleaganu’u e mo’omo’omia ‘e Māori, ‘e tāofia ai nisi ‘o ā lātou gāluega ma gāioiga, fua ‘i se fa’atagaga ‘e ‘aumai. Na fa’aalia ‘e Ngarewa – Packer ‘i luga le NZ Herald, ‘o lā gāioiga, ‘e tete’e atu ai ‘i lea pili, ‘o se fa’ailoga lanu ‘i tagata Māori.

Link to 1News (Article) translated: https://www.1news.co.nz/2025/10/22/speaker-taking-advice-after-tpm-mps-burn-bill-outside-parliament/

ATA: 1News (Te Pati Māori/Instagram).