Suitūlaga physicians ‘i foma’i, ‘o ni tupe māumau.

‘O le suitūlaga ai ‘o physicians ‘i fōma’i, ‘ua fa’aalia ai finagalo ‘o fōma’i, ‘o ni tupe fa’aaogā sesē ia. ‘O lo’o vala’au fōmaʻi, tausimaʻi, pule ma ā lātou faʻalapotopotoga faʻapolōfesa ‘i ‘au’aunaga ‘a le soifua mālōlōina, vala’auina le mālō, ina ‘ia tāofia gaioiga ‘e faʻatonutonu ai le fa’aofi atu ‘o physicians, po’o isi ītū’āiga fōma’i ‘e iai ō lātou poto fa’apitoa ‘i nisi ‘o tausiga ‘o le soifua mālōlōina,’e fa’atumu ai avanoa ‘o lo’o mo’omia mō ni fōma’i ma isi tagata faigāluega mō le soifua mālōlōina.

‘Ua tūsia ‘e le ‘asosi ‘a fōma’i se tusi na sainia ma tu’ufa’atasi ma le ‘asosi ‘o tausi soifua, ma le fa’alāpotopotoga ‘o GPs, ma tu’uina atu ‘i le Minisitā ‘o le soifua mālōlōina Shane Reti, ‘e tāofia ai lona aumaia ‘o se talosaga aloa’ia ‘i le kapeneta. Fa’aalia ‘e le fa’atonu sili ‘o le ‘asosi ‘a fōma’i, Sarah Dalton, ‘e lēai se gāluega ‘e mafai ona faia ‘e se physician, ‘e leʻi faia ‘e se tagata faigāluega faʻalesoifua mālōlōina ‘ua aʻoaʻoina ‘i gāluega totonu ‘o le lōtoifale ‘o le falema’i.

‘O PAs ‘o lo’o ‘avea ma tagata faigāluega ‘a le soifua mālōlōina ‘i ‘Amerika ‘i Mātū talu mai le 1960, fa’apea fo’i ‘i Peretānia talu le 20 tausaga talu ai. ‘O faʻafītāuli tau le soifua mālōlōina ‘i le atunuʻu le taimi nei, na āfua mai ‘i le lē lava ‘o le ‘aufaigāluega, ‘ae le ‘o le lēai ‘o ni gāluega, pei ‘ona tūsia ‘i le tusi.

Link to RNZ (Article) translated by Anna Faasolo: https://www.rnz.co.nz/news/national/531066/health-workers-say-replacing-them-with-physician-associates-a-poor-use-of-money

ATA: RNZ