Sui Pālemia David Seymour

‘O le vāiaso nei, ‘o lo’o ‘avea ai ma Sui Pālemia ‘o Niu Sila le ta’ita’i ‘o le pātī ‘a le ACT ‘o David Seymour ’ona ‘o lo’o ‘ave ni aso mālōlō ‘o le ali’i pālemia ‘o Christopher Luxon mai le aso 14 ‘e o’o ‘i le aso 20 ‘o Iūlai.

‘O Luxon ‘e pei ‘ona silafia sā iai ‘i ‘Amerika ‘i le vāiaso ‘ua mavae mō le fonotaga ‘a mālō ‘o le NATO mā na toe taliu mai ‘i le atunu’u ‘i le fa’ai’uga ‘o le vāiaso.

‘O lona lua ai lenei ‘o taimi ‘ua  tau’aveina ai ‘e David Seymour tiute fa’a-sui palemia talu ‘ona tūla’i mai le faigāmālō so’ofa’atasi ‘o lo’o iai nei ‘a Niu Sila.

‘Ae ‘o le pālemia lagolago ‘iā Vaovasamānaia Winston Peters, ‘o lo’o malaga ‘i Iāpani ma le atunu’u ‘o Kōrea ‘i Saute ‘i le vāiaso nei.

ATA: David Seymour in Beehive Office / Newstalk ZB.