Sui laisene ‘aveta’avale: Tasi le su’ega ‘ave’ave ‘ae lē toe lua

‘O le ‘ā lē toe mo’omia ‘e ‘aveta’avale le faia ‘o se su’ega lona lua ‘ina ‘ia maua ai lona laisene, ‘ona ‘o lea ‘ua fa’atūina ‘e le mālō ni suiga tetele muamua ‘i le faiga ‘o laisenne ‘aveta’avale ‘i Niu Sila talu mai le 14 tausaga ‘ua tuana’i.

‘Ua fautuaina fo’i le fa’aitīitia ‘o su’esu’ega ‘i mata ‘i le Graduated Driver Licensing System, pei ‘ona fa’asilasila ‘e le Minisitā ‘o Fela’uā’iga Chris Bishop ‘i le aso ananafi.

‘O le asō ‘o le ‘ā fa’alauiloaina ai ia suiga, mō fa’atalanoaga ‘a le atunu’u lautele.

Na saunoa Bishop, ‘o suiga tetele muamua nei ‘o le ‘ā faia ‘i le polokalame ‘o laisene ‘aveta’avale ‘i Niu Sila talu mai le 2011, lea na si’itia ai mai le 15 ‘i le 16 tausaga le matua ‘e ‘āmata ai ‘ona maua le laisene a’oa’o (learner).

Na fa’aalia ‘e le NZTA Waka Kotahi ‘i le tausaga talu ai, na alu ‘i luga ‘i le 60 pasene le tele ‘o  le mana’oga mō su’ega ‘aveta’avale.

‘E $362.50 le tau ‘ātoa mai le laisene a’oa’o ‘e o’o atu lava ‘i le laisene ‘āto’atoa.

Link to RNZ (Article) translated: https://www.rnz.co.nz/news/top/558063/driving-licence-changes-one-practical-test-instead-of-two

ATA: SCR (file).