Sui fa’amaumauga ‘o gasegase ‘a’o osofa’i ai le ‘api telē ‘o le MediMap ‘a le Soifua Mālōlōina

‘E mo’omia le taumafai ‘o le MediMap ‘e fai gāioiga ‘uma ‘i le mea ‘e gata mai ai lo lātou mafai ‘e tali ai ‘i le fa’alētonu ‘o le ‘au’aunaga ‘ina ‘ua osofa’i ‘e le ‘au gāoi la lātou ‘api pei ‘ona fa’aalia ‘e le Soifua Mālōlōina ‘a Niu Sila.  Na faia lea osofa’iga ‘i le Aso Sā ma ‘ua toe tu’u nei ‘i lalo ‘e le kamupanī le ‘app mai luga ‘o ‘upegatafā’ilagi ‘a’o fa’agāsolo ai su’esu’ega. 

‘E iai nisi fa’amatalaga ‘o tagata ‘e fa’aaogāina le ‘app ‘e fa’apea ‘ua sui, ‘e aofia ai le fa’apea ‘ua māliliu.  ‘E fa’aaogāina le MediMap ‘e nisi ‘o ‘au’aunaga ‘o le soifua mālōlōina mō tagata mātutua, ‘o tagata ‘e iai mana’oga fa’apitoa, fale ‘e tausi ai tagata ‘ua tīgāina ma fa’atalitali ‘i toe taimi fa’apea ai ma tagata lautele ‘e fa’amauina lelei ai le sa’oga ‘o a lātou vaila’au ma fuālā’au mō togafitiga. 

‘E mafai ai ‘e falema’i po’o ‘au’aunaga mō tagata mātutua, ‘ona feso’ota’i ma tagata fa’apea ma faletalavai ma ‘e mafai fo’i ‘ona fa’aaogā mō le tusiga ‘o talavai ‘i luga ‘o feso’ota’iga fa’atēkolosi ‘e aofia ai ma fa’amaumauga tuai ‘o fuālā’au ma vailā’au ‘a tagata. 

Link to RNZ (Article) translated: https://www.rnz.co.nz/news/national/587773/patient-data-changed-as-major-nz-health-app-medimap-hacked

ATA: RNZ/Calvin Samuel