Su’esu’eina le māliu ‘o se tagata ‘ona ‘o se matā’upu na aofia ai ma le fa’aaogaga ‘o se lā’au mālosi ‘i Naenae

‘Na ‘āmataina ‘e leoleo se su’esu’ega ‘i le Aso Lua, ma ‘o lo’o sā’ilia nei se tagata na māfua ai ‘ona maliu se isi tagata ‘i se lā’au mālosi ‘i Naenae ‘i Lower Hutt.  Na vala’auina ‘au’aunaga fesoasoani mō fa’alavelave fa’afuase’i pē tusa ‘o le 20 minute ‘e te’a ai le 3 ‘i le aoauli ‘i le magāala ‘i Seddon ‘i Naenae, ‘ina ua maua se taule’ale’a ‘o a’afia ‘i ni manu’aga tīgāina ‘i lea magāala, ‘ae na maliu mulimuli ane.

Na tā’ua ‘e leoleo, ‘o le ‘ā iai pea ni poloka ‘a leoleo ‘i Seddon ma ‘o le ‘ā va’aia fo’i ‘e tagata ‘i lea pitonu’u, le iai ‘o leoleo.  ‘O lo’o fia maua ‘e leoleo ni tagata ‘o silafia ni fa’amatalaga ‘i lea matā’upu, ‘a’o sā’ilia ai lē ‘na fa’apāina le fana lea na a’afia ai le soifua ‘o lē ‘ua maliu.

Link to RNZ (Article) translated by Savelina Kasiano: https://www.rnz.co.nz/news/national/536243/homicide-investigation-launched-after-shooting-death-in-naenae-lower-hutt

ATA: RNZ / Samuel Rillstone.