Su’esu’eina ‘e le MPI fa’aseā ‘i le polokalame ‘o taumafa ‘i ā’oga

‘Ua su’esu’eina ‘e le Matāgāluega ‘a le Primary Industries, se fa’aseā ‘e fa’atatau ‘i le polokalame ‘o taumafa ‘i ā’oga.  Na tā’ua ‘e le sui fa’atonu sili ‘o le Fa’alāpotopotoga ‘o le Saogalēmū ‘o Taumafa ‘a Niu Sila, Vincent Arbuckle, ‘o le fa’aseā, ‘e fa’apea, ‘o taumafa fa’apitoa ia ‘e fa’ailoga lelei mō tamaiti ‘e iai a’afiaga mai nisi ‘o mea’ai ‘e pei ‘o allergies, ‘e sesē le tamaitiiti na fa’ailoga ‘i ai lea taumafa.

Na ‘ioe le ‘au’aunaga ‘o le School Lunch Collective ‘o fa’atinoina le polokalame, ‘i lea sasi na tutupu ‘i nisi ‘o ā’oga ‘o Kalaiesetete ‘i le māsina nei, ma ‘o lo’o fa’agāsolo la lātou lava su’esu’ega ‘i le matā’upu, ma ‘ua fa’atinoina fo’i nisi siaki fa’aopoopo ‘ina ‘ia ‘aua ne’i toe tupu.

‘E le’o fa’ailoaina ‘e le kamupanī po’o le MPI po’o ai ā’oga na taulimaina taumafa na sesē ‘ona fa’ailogaina, peita’i ‘e lēai se tamaitiiti na taumafaina ia mea’ai. 

Link to RNZ (Article) translated: https://www.rnz.co.nz/news/political/543077/mpi-investigating-complaint-over-school-lunch-programme

ATA: RNZ / Marika Khabazi